Nga e enjtja, dogana e Qafës Botës do e jetë e hapur 24 orë, një risi kjo për këtë pikë kalimi kufitar mes Shqipërisë dhe Greqisë, gjë e cila mund të zgjasë, siç është parathënë, deri në fund të gushtit.
Lajmi i 24-orëshit u bë i ditur nga Deputeti i Igumenicës, Vasili Giogiaka.
Nga ana tjetër, linja me Korfuzin është ende jo me funksion të plotë.
Siç raporton TCH, ende nuk është bërë e mundur lëvizja e pasagjerëve nga Korfuzi drejt Sarandës, pasi është duke funksionuar vetëm njëri prej tri operatorëve të licencuar për udhëtimin drejt Korfuzit.
Sipas operatorit aktiv, linja nga Korfuzi drejt Sarandës pritet të nisë nga nesër pasdite ndërsa pritet konfirmimi i fundit i kushteve teknike të mjeteve.
Sipas tij mosfunksionimi i duhur i të gjitha linjave lidhet pikërisht me këtë arsye, shkruan TCH. /sarandacity.al/
