Zyrtarisht, zjarri i mbrëmshëm në një spital COVID në Tetovë ka shuar 14 jetë, të gjithë pacientë.
Zëvendëskomandanti i Zjarrfikësve në Tetovë, Saso Trajçevski tha se zjarri u përhap shpejt brenda ndërtesës pasi bombolat e oksigjenit shpërthyen në dhomat e spitalit. Pamjet tregojnë flakët që shpërthejnë përmes dritareve në ndërtesat portative që përbënin spitalin modular.
Po pse ndodhi kjo?
Sipas ABC News, në një udhëzim të Komisionit Europian, ku bëhet një përshkrim i shkaqeve të zjarreve në spitale të ndryshme si edhe numrit të të vdekurve në to, jepet edhe këshilla kryesore: KUJDES me rrjedhjen e oksigjenit!
Edhe pse shkaku fillestar mund të jetë një shkëndijë elektrike, elementi që nxit zjarrin të përhapet me shpejtësi në spital është pikërisht oksigjeni.
Ai gjendet me sasi më të larta në repartet COVID dhe sidomos në pjesën e kujdesit intensiv apo ku mbahen të intubuarit, vijon shpjegimi.
Sasia e lartë e oksigjenit në ajër sipas ekspertëve, bën që zjarri të përhapet me shpejtësi përreth vatrës së tij duke mos i dhënë mundësi ekipeve zjarrfikëse që t’a shuajnë.
Prandaj, sipas udhëzimitë të Komisionit Europian, zjarret në repartet COVID shkaktojnë një numër të madh viktimash, ndryshe nga repartet e tjera.
Po cili është shkaku fillestar?
Eshtë vërejtur se për shkak të pandemisë, repartet COVID mbushen me një shpejtësi të madhe krahasuar me repartet e tjera, duke mbingarkuar kësisoj sistemin elektrik, i cili herë pas here dështon duke shkaktuar masë.
Rrjedhimisht, sasia e lartë e oksigjeni, bashkuar me mbingarkesën e menjëhershme të sistemit elektrik, është kombinimi fatal që çon në tragjedi të tilla.
Në rastin e Tetovës, situata duket të ketë qenë edhe më në disfavor të të pacientëve, pasi spitali ishte i përbërë prej materialeve të njohura si “sanduiç”, të cilat digjen shumë më shpejt, vëren ABC News. /sarandacity.al/
