Ashtu siç Berisha, edhe Basha vijon t’i mëshojë konspiracionit politik duke pretenduar se ka një skenar kundër tij mes Ramës e Berishës.
Duke pretenduar se nuk është ai që ka thirrur Policinë në atë çfarë po ndodhte në selinë blu të shtunën, Basha tha:
“Ndërkohë që kishin dalë deklaratat e kancelarive, Policia ende kërkonte shkak për të ndërhyrë apo të mos ndërhyrë.
Donte që skenari i gjakderdhjes të shkonte deri në fund.
Nuk e kam thirrur unë Policinë. Pjesë e skenarit të Ramës dhe Berishës është që ta vazhdojnë këtë valle sikur këtu ka dy palë, janë njësoj të përfshira, etj etj”.
E ndërsa dhe Berisha e konsideron Bashën “bashkëpunues me Ramën, ky i fundit herë shfaq bezdi serioze e herë bën ironi me atë që dyshja demokrate, dikur “babë e bir” politik, e bëjnë atë pjesë së akuzave të ndërsjellta. /sarandacity.al/
