Çarja e madhe e PD-së u reflektua, apo më saktë dominoi seancën e parë të 2022-shit, pasi ajo nisi me njoftimin nga kryetarja e Kuvendit mbi përjashtimet nga grupi parlamentar demokrat, dorëzuar nga linja zyrtare, pra grupi parlamentar, që i përket PD-së zyrtare me kryetar Bashën.
Ndaj kësaj kanë reaguar me ashpërsi emra të rreshtuar krah Berishës, si Bylykbashi, Këlliçi, Noka, të cilët pretenduan se kjo shkel Kushtetutën dhe Rregulloren. Për më tepër, Noka pretendoi se PD-ja reale është Komisioni i Rithemelimit.
Reagoi dhe një ndër emrat e vjetër të PD-së, edhe ai i përjashtuar, Edmond Spaho, i cili tha:
“Nuk e kisha menduar kurrë që Lulzim Brava do të na sillte edhe njëherë kohën e diktaturës ku përjashtohen njerëz nga partia, internohen. Unë tani pres dhe fshatin ku do më internojë, ndoshta në Grabian ku kam qenë.
Nuk më përjashton dot njeri mua nga grupi Parlamentar i PD. Kam hyrë në PD kur kam tërhequr me zinxhirë bustin e Leninit. Basha erdhi ministër, u fut ministër. Ndjehem mirë dhe do ndjehem edhe më i lirë më larg tij.
Nuk ka të ardhme me të, një njeri që ka humbur katër herë zgjedhjet dhe hiqet si e ardhmja. Do t’i vijë dita, mos kujtoni se e ka të largët. Që qytetarët dhe anëtarët e PD do i japin atë që meriton këtij njeriu”. /sarandacity.al/
151634 784758This internet site is my breathing in, real amazing design and perfect content material . 834875