Grupi i Rithemelimit që po tenton të marrë drejtimin e PD-së, pasi u njoh si legjitim me vendim gjykatë, sheh dhe te Alibeaj “bashkëpunëtorin me Ramën. Kjo pasi njeriu që drejton grupin parlamentar dhe që mban postin e kreut të komanduar pas dorëheqjes së Bashës, ankimoi pikërisht vendimin e gjykatëë që njohu Kuvendin foltorist të 11 dhjetorit, duke bërë kështu që Berisha të hyjë nevojën e dhunës në seli.
“Prishjen e vendimit NR 1346/222 Akti Nr. 3. Vendimi datës 25.03.2022 të Gjykatës së Rrethit Gjyqësor Tiranë me gjyqtar Agron Zhukri duke vendosur pushimin e gjykimit ose kthimin e saj për shqyrtim në të njëjtën gjykatë, por me të njëjtën trupë gjykuese”, thuhet në ankimimin e dorëzuar nga Alibeaj.
Dhe pas kësaj, e njëjta metodë që u ndoq me Bashën vijoi dhe me njeriun që po e kundërshton fuqishëm Berishën, edhe me krenarinë e të qënit një i djathtë puro përballë një ish-komunisti.
“Askush nuk mund të ndërmarrë veprime në emër të Partisë Demokratike. Kuvendi Kombëtar i PD dt.11 dhjetor 2021, ka mandatuar si të vetmin organ drejtues të Partisë Demokratike Komisionin e Rithemelimit të Partisë. Gjithashtu, Kuvendi ka shkarkuar Z. Alibeaj si nënkryetar i Partisë Demokratike. Pra, nuk përfaqëson PD në asnjë marrëdhënie me të tretët”, thuhet në reagimin e PD-së, kahja rithemeluese, duke mos u mjaftuar me kaq dhe dalë në planin konspiracionist.
“PD denoncon aktin Basha – Alibeaj si përpjekje e dëshpëruar e Edi Ramës për të mbajtur peng vulën e PD kundër vullnetit të shumicës së demokratëve të shprehur qartë në kuvendin e tyre më 11 Dhjetor 2021 dhe të çertifikuar në kutitë e votimit më dt. 6 mars 2022″, thuhet në reagim. /sarandacity.al/
