Kryebashkiaku Gurma, mes jetimëve në “Ditën e Xhuljetës”

Saranda e ka ndër asetet e saj të çmuara, shtëpinë e fëmijëve “V.Pulla”. Ajo për Sarandën është shtëpia me 74 vite histori dashurie. Dita e sotme, që shënon Ditën Kombëtare të Ndihmës ndaj Jetimëve, ishte një tjetër rast për ta treguar dhe për ta përjetuar këtë.

I pranishëm në veprimtarinë e organizuar me këtë rast në këtë institucion, Kryetari i Bashkisë, Adrian Gurma, tha se Saranda ka aresye më shumë për të qenë pranë këtyre fëmijëve, pasi shënimi i 20 majit si Ditë Kombëtare e Ndihmës ndaj Jetimëve, është i lidhur me vdekjen tragjike të Xhuljanës më 1979, që ishte banore e kësaj Shtëpie.

Kjo, tha kryebashkiaku Gurma, na obligon shumëfish për të dhënë më shumë dashuri, për të qenë të ndjeshëm, të përkushtuar dhe mbështetës për cilësinë e jetës, mirërritjen dhe integrimin e këtyre fëmijëve. /sarandacity.al/

Tags: Perditshmeri