Adrian Gurma, i ftuar në emisionin A2 Business ka folur në lidhje me përgatitjet në prag të hapjes së sezonit turistik.
“Ne jemi pregatitur për një sezon normal. Saranda është destinacion i mjaft grupeve turistike kryesisht nga Europa Lindore, Polonia zë vendin e parë, por janë dhe vendet nordike si Norvegjia e Suedia.
Ne urojmë që situata të përmirësohet dhe numri i turistëve të rritet.”
E pyetur nga gazetarja Aurora Sulçe se çfarë ofron Saranda ndryshe këtë vit, kryebashkiaku u përgjigj:
“Saranda këtë vit ka një paketë të përmirësuar turistike, bulevardi i ri që dita-ditës po shkon drejt përfundimit do të jetë një vlerë e shtuar në ofertën turistike, përmirësimi dhe rruga e re Turizëm-Kanali i Çukës do të krijojë lirshmëri të lëvizjes drejt Ksamilit dhe Butrintit.”
Gurma është shprehur se problematikat lidhur me turizmin janë të njëjta në çdo qytet turistik: fluksi i makinave, menaxhimi i mbetjeve urbane. /sarandacity.al/
https://youtu.be/8CcZa7npHAM
