Kryeqendra e grekërve të Ukrainës: pse aty është “Stalingradi” i luftës?

Mariupol ishte shtëpia e 565,000 banorëve. Nuk është më. Është kthyer në një zonë lufte, qendër e përleshjeve të ashpra midis forcave ruse dhe ukrainase. Tetëdhjetë për qind e shtëpive të qytetit janë dëmtuar dhe më shumë se një mijë njerëz janë bllokuar në strehën e teatrit të bombarduar.

Zyrtarët në Mariupol thonë se më shumë se 2,500 njerëz kanë humbur jetën që kur forcat ruse agresuan më 24 shkurt, ndërsa 35,000 arritën të ikin nga qyteti. Imazhet satelitore nga American Maxar Technologies tregojnë dëmet që ka pësuar qyteti nga bombardimet e pamëshirshme.

Para pushtimit rus, ajo ishte gjithashtu qendra e komunitetit grek në zonë. Qyteti ka qindra ndërtesa banimi të klasës punëtore, me stil identik dhe një plazh të madh. Në fshatrat greke, të shpërndara nëpër qytet, shtëpitë janë të lyera bardheblu, bërë nga grekët e ardhur nga Krimea, në shtator 1778, me nxitjen e Mitropolitit të Kythnos Ignatius.

C'est #Mariupol aujourd'hui. La ville entière a été détruite en 20 jours par les criminels russes. Et le monde regardait… (tout en continuant à envoyer de l'argent au régime de Poutine). Quelle est la prochaine ville ? pic.twitter.com/GcwhNJ6owx

— inna shevchenko (@femeninna) March 19, 2022

Mariupol ka një port në Detin Azov dhe dy nga fabrikat më të mëdha të çelikut në Evropë. Është vetëm 30 kilometra larg Rusisë. Por nuk është afërsia me Rusinë që e ka synuar atë që në fillim. Pushtimi i Mariupolit ishte një parakusht për zbatimin e planit rus për lidhjen e Krimesë me territorin rus. Për më tepër, Mariupol është një port i rëndësishëm strategjik në Azov.

Nëse Mariupol “bie”, rusët do të kenë kontrollin e plotë të detit Azov dhe porteve të tij, pasi do të krijojnë një zonë tokësore midis Krimesë dhe Donbasit, e cila tashmë është e kontrolluar, e mbështetur nga separatistët pro-rusë. Ky ka qenë plani i forcave ruse që në fillim, i cili është në një pikë të avancuar, pasi tashmë Mariupoli është i rrethuar.

Ministria ruse e Mbrojtjes njoftoi se po “shtrëngon lakun” rreth qytetit. Pretendimet e ministrisë ruse u konfirmuan për BBC nga kryebashkiaku Vadim Boichenko. “Okupatorët ia dolën pjesërisht në zonën operacionale të Donetskut, duke e privuar përkohësisht Ukrainën nga aksesi në Detin Azov”, tha Ministria e Mbrojtjes e Ukrainës në një deklaratë.

Duket se perspektiva e anëtarësimit të Ukrainës në NATO po varroset. Megjithatë, kjo nuk mjafton më. Rusët po paguajnë një çmim të rëndë si në kosto vdekjeje ashtu edhe në kosto financiare për shkak të sanksioneve, por edhe politikisht, për shkak të goditjes që ka pësuar imazhi i tyre publik ndërkombëtar.

Kjo praktikisht do të thotë se Rusia po synon gjymtimin e mëtejshëm territorial të Ukrainës. Të gjitha indikacionet tregojnë se Kremlini do të përpiqet të marrë përsipër zonat që i konsideron si strategji të sigurisë kombëtare të Rusisë. Përveç të gjithë Donbasit dhe pjesës tjetër të Ukrainës lindore, përveç zonës bregdetare të Azovit, ata ndoshta do të përpiqen të kontrollojnë zonën bregdetare në perëndim të Krimesë, domethënë rajonin e Odessa-s deri në kufirin me Rumaninë.

VÍDEO: Soldados chechenos em combate na cidade de Mariupol. #Ukraine pic.twitter.com/zeomnMHyhc

— OHF News (@OHFNews) March 20, 2022

Nëse ia dalin, ajo që ka mbetur nga Ukraina do të jetë një shtet i mbyllur dhe i varur nga Perëndimi. Është thelbësore për rusët që ta vënë Kharkovin nën kontrollin e tyre në mënyrë që të bllokojnë forcat ukrainase që luftojnë në frontin e Donbasit. Nëse kjo ndodh, hapi tjetër do të jetë rrethimi i Kievit.

Siç shihet nga sa më sipër, kontrolli i Mariupolit ka një rëndësi strategjike për planifikimin rus. Rënia e qytetit do të çlirojë forcat ruse, të cilat do të kthehen në veri për të mbyllur forcat ukrainase në perëndim të Donbasit. /sarandacity.al/