Ksamil: Policia ndalon peshkimin “pa dokumenta” skafi të dy vëllezërve

Dy vëllezër janë proceduar nga Policia e Sarandës, pasi posedonin një skaf pa dokumenta.

Me mjetin lundrues ata thjesht do peshkonin, por që ligji nuk jua lejonte këtë, ndaj akuza ndaj tyre është ajo e “Peshkimit të ndaluar”, siç thuhet në njoftimin zyrtar.

“Policia Kufitare e Sarandës, gjatë patrullimit në det, në zonën e Ksamilit  ka konstatuar dhe më pas bllokuar  një mjet lundrues skaf, 4.5 metra,  pa dokumentacion që drejtohej nga shtetasi E. SH., së bashku me vëllain e tij shtetasin S. SH.

Policia Kufitare ka bërë bllokimin e mjetit lundrues dhe ka shoqëruar në Komisariatin e Policisë Sarandë dy vëllezërit, për veprime të mëtejshme.

Në vijim të veprimeve të kryera nga Specialistët për Hetimin e  Krimit në Komisariatin e Policisë Sarandë  rezultoi se ky shtetas, së bashku me shtetasin S. Sh., kishin dalë për peshkim pa njoftim si dhe nuk dispononin dokumentacionin e nevojshëm për të ushtruar aktivitetin e peshkimit  dhe nuk dispononin asnjë dokument për mjetin lundrues (skaf).

Në përfundim të veprimeve dy vëllezërit janë  proceduar penalisht për veprën penale ‘Peshkimi i ndaluar’.

Materialet i kaluan Prokurorisë pranë Gjykatës së Shkallës së Parë Sarandë, për veprime të mëtejshme”. /sarandacity.al/