Kumbaro kujton fundafatin e aplikimit për plazhet private: Në të kundërt….

Ministrja Kumbari kujtoi dhe njëherë 27 shkurtin si afatin përfundimtar të aplikimit për plazhe private për sezonin e pritshëm.

“Çdo parcelë e dedikuar për sektorin privat që nuk do të merret në menaxhim prej tyre, automatikisht kalon plazh publik dhe sistemi nuk hapet për herë të dytë”, u shpreh ajo nga Velipoja.

Ministrja e Turizmit dhe Mjedisit ishte pikërisht në plazhin verior, ku u takua me përfaqësues të bizneseve të vijës bregdetare që kanë nisur përgatitjet për sezonin veror.

Po ashtu, vendimin  që ajo e kumtoi ditë më parë në Sarandë,  e kumtoi dhe aty, atë që ka të bëjë me mënyrën e hedhjes së mbetjeve nga bizneset.

“Bizneseve u ndalohet të stërmbushin koshat e dedikuar për familjarët. Duhet t’i mbajnë thasët me mbetje brenda hotelit a restorantit dhe t’i nxjerrin në orarin e përcaktuar nga bashkia”, tha Kumbaro. /sarandacity.al/