Ishujt grekë në detin e Egjeut u zhytën nën disa metra dëborë gjatë fundjavës deri në fazën sa zjarrëfikësit u thërritën për të nxjerrë banorët e ngecur në shtëpitë e tyre.
Ishulli Samotraki, përveç vështirësive të shumta, përfshirë dhe mungesën e energjisë, ofroi dhe një pamje tejet romantike nga zbardhëllimi prej borës.
Por në terren njerëzit kishin të tjera halle.
“Ne i jemi përgjigjur banorëve të ngecur në shtëpitë e tyre dhe kemi ofruar ndihmën e parë tek një individ në fshat, e më pas e dërguam tek mjeku”, tha zjarrëfikësi Giorgos Vassiloukas, ndërkohë që gërrmonte tek shtëpia e një banori. “Në disa pjesë ka patur shumë borë, duke kaluar 3 metra, si dhe ka patur erëra të forta”, shtoi ai.
Kryebashkiaku i ishullit tha për mediat lokale se nuk kishte parë kaq shumë dëborë në 15 vite, ndërkohë që ka pasur vështirësi në pastrimin e rrugëve të ngushta të fshatit në ishull. /sarandacity.al/
