Një vit burg do të vuajë e akuzuara nga SPAK Zamira Rami, ish-kryebashkiake e Gjirokastrës nga LSI, në vitet 2015-2019.
Raportohet se Rami është gjetur fajtore për akuzën e shpërdorimit të detyrës, pas denoncimit të bërë nga dy qytetarë për prishjen e banesave të tyre, në kuadër të projektit të rilindjes urbane.
Sipas SPAK, shkeljet janë kryer gjatë zbatimit të projektit për ‘Rikonstruksionin e rrugës Kryqëzim me rrugën nacionale (Postbllok) – Sheshi i Çerçizit’ si dhe për ‘Rikualifikimin e hapësirave publike dhe rrugës hyrëse pranë Memorialit të Rilindasve në Gjirokastër.
Siç thuhet zyrtarisht, ajo “…ka kryer veprime në kundërshtim me aktet ligjore në fuqi, duke prishur dy prona të ligjshme të shtetasve Dritan Sako dhe Teodorti Xhai dhe duke u shkaktuar atyre një dëm pasuror në vlerë 5 600 520 lekë”.
Eshtë interesant fakti që dënimi i saj nuk vjen për ndonjë aferë korruptive, siç e ka namin LSI, por vendime administrative që i përkasin projekteve qeverisës të PS-së.
Koha kur Rami qeveriste qytetin e gurtë, ishte ajo e aleancës me Ramën. /sarandacity.al/
