Kuba të hënën u bë vendi i parë në botë që nisi vaksinimin e fëmijëve të moshës dy vjeç e lart për COVID-19, duke përdorur një vaksinë vendase të paprovuar ende nga Organizata Botërore e Shëndetit.
Shteti me 11.2 milionë njerëz synon të vaksinojë të gjithë fëmijët para rihapjes së shkollave, shumica e të cilave janë mbyllur që nga marsi i vitit 2020.
Viti i ri shkollor filloi të hënën, por mësimet zhvillohen përmes programeve televizive, pasi shumica e familjeve kubane nuk kanë akses në internet.
Pas përfundimit të provave klinike mbi të miturit me vaksinat e saj Abdal dhe Soberan, Kuba filloi të premten një fushatë për të vaksinuar fëmijët e moshës 12 vjeç e lart.
Ndërsa vaksinimi për grupmoshën 2 deri në 11 vjeç filloi në provincën qendrore të Cienfuegos të hënën.
Vaksinimi i fëmijëve të moshës 12 vjeç e lart është miratuar në disa vende të tjera të botës, dhe disa po kryejnë prova për fëmijët më të vegjël.
Vende të tilla si Kina, Emiratet e Bashkuara Arabe dhe Venezuela kanë raportuar plane për të vaksinuar fëmijët më të vegjël, por Kuba ishte e para që e bëri këtë. /sarandacity.al/
