Prej kësaj të shtunë të 2 korrikut, një rrugë e re të çon në Sarandë, për afro 3 orë, me referim Tiranën në nisje. Aksi legjendar Kardhiq-Delvinë, nisur në 2008-ën nga qeverisja e mëparshme, u hap përfundimisht për qarkullim.
Një tunel afro 1.5 km, është vepra kryesore e këtij aksi.
Ishte kryeministri Rama i pranishëm në inaugurimin e kësaj rruge, më saktë tunelit, te i cili ishte fokusuar e gjithë puna kohët e fundit, me synimin për ta aktivizuar këtë sezon veror.
Bashkë me të qe dhe ministrja më “e afërt” e tij, e dy sektorëve edhe me peshë politike, Energjisë dhe Infrastrukturës, Belinda Balluku.
Me Kardhiq-Delvinë mbyllet një prej investimeve më përcaktuese për turizmin e Jugut, ku Saranda bëhet më e afërt si destinacion, ndërsa Gjirokastra bëhet më det.
Ndaj dhe është quajtur “rruga e turizmit”.
Rruga e Lilo Labes
Pas tashmë, është lënë një rrugë që pothuajse askush nuk e ka etiketuar si të tillë. Qafa e Muzinës, ajo që e bënte të strapacueshme rrugën për në Sarandë, tashmë i përket së shkuarës.
Një gjarpërim i ngushtë malit, në ngjitje e zbritje, ajo kishte kohë që kish dalë jashtë kohe. Rrugë e kohës së Italisë, fillimet e saj mund të shihen te “Malet me blerim mbuluar”, ku partizanë lebër luftuan me italianë në një betejë ku u plagos Lilo Labja.
Ndaj, ajo rrugë sot do ketë destin muzeal, ku më së shumti pritet të kalojë bagëtia.
I vetmi fshat mes saj, ndër ata me pak banorë të mbetur, është Muzina. Ndërsa poshtë saj nga krahu Sarandës do vijojë të jetë aktive, pasi shërben si e vetmja rruge për te Syri i Kaltër. /sarandacity.al/
Your article helped me a lot, is there any more related content? Thanks!
674051 354134How can I attract much more hits to my composing weblog? 385567