Ministria e Bujqësisë ka nxjerrë një udhëzim të ri për të gjithë të apasionuarit pas peshkimit.
Një person që del të peshkojë për t’u argëtuar duhet të ketë me vete maksimumi 2 kallama dhe jo më shumë se 3 grepa. Me vete mund të mbajë dhe një rrjetë të vogël dore.
Peshkatari nuk duhet të kapë më shumë se 5 kg peshk. Kjo sasi mund të tejkalohet nëse vetëm njëri nga peshqit tejkalon peshën prej 5 kg.
Për të bërë këtë aktivitet duhet të merrni një autorizim online në e-Albania kundrejt një pagese.
“Autorizimi për peshkimin turistik është afatshkurtër dhe jepet për periudhën sipas kërkesës së paraqitur, por jo më shumë se 30 ditë,” thuhej në njoftim.
