Limos Dizdari “rikthehet” në jetë”, gëzon qeveria

Limos Dizdari, një ndër emrat ikonikë të muzikës shqiptare, ish-anëtar Kryesie i PS-së në kohën e Nanos, iu ka shpëtuar kthetrave të vdekjes duke dalë nga intubimi ku ndodhej prej ditësh në spitalin “Shefqet Ndroqi”.

“Jam shumë e emocionuar, sinqerisht keni bërë një punë fantastike. Bravo”, iu drejtua ajo bluzave të bardha aty. “Keni vënë edhe muzikën e vetë. Mjeshtri Dizdari tashmë është mirë. Jemi rikthyer ashtu të fortë, si dikur. Jam falenderuese, isha e bindur që do t’ja dilnit, falë përkushtimit tuaj, falë profesionalizmit tuaj, patjetër edhe vullnetit të Limozit që nuk i mungon, për t’ja dalë”, ishte vlerësimi i Manastirliu.

Ndërkohë mjekët e spitalit “Shefqet Ndroqi” kanë shpjeguar se ndërhyrja ka qenë delikate dhe e kryer ne kushtet e intubimit, ku i janë vendosur 4 stenda kompozitorit të njohur.

“Është bërë një punë fantastike. 4 stenda i vendosën. Dy javë i intubuar dhe gjitha asistimet janë bërë në kushtet e një pacienti të intubuar gjatë gjithë kohës, me hemodinamikë, i janë vendosur 4 stendat. Pasi problematikat ishin jo vetëm pulmonare, goxha të rënda, me një pneumoni të rëndë por edhe me një insuficiencë kardiake, që u desh të stabilizohej falë punës së zgjithë stafit. Ja hapëm si arterie, i vendosëm 4 stenda dhe për fat për dy ditë reagoi mirë”, shpjeguan mjekët.

Shëndeti i rënduar Limos Dizdarit nuk ishte i vetmi problem te ai. Prej kohësh, ai protestonte i vetëm para Kryeminstrisë për humbjen e Qendrës Kulturore të Ksamilit, së cilës iu përkushtua me vite duke investuar në të e organizuar aktivitete kulturore. Por në fund e nxorrën që aty çështjet e ngatërruara të pronësisë.

Qeveria te e cila ai kërkonte ndihmë, nuk iu përgjigj.

Limos Dizdari njihet për këngë të tij epokale në muzikën e lehtë shqiptare si dhe në atë të filmave.

“Këputa nëj gjethe dafine”, një ndër perlat e festivaleve në RTSH, mban firmën e tij.  /sarandacity.al/