Për të mbrojtur tezën dobisë së vakisnimit anti-COVID, ministrja Manastirliu ofroi një fakt nga Infektivi.
“Nuk ka tani më asnjë dyshim se vala e re e COVID-19 ka mbërritur edhe më herët se sa vjeshta.
Në Spitalin COVID 1 janë pothuaj 100 të shtruar, 17 prej tyre në terapi intensive. Janë shumë më pak se sa në rajon, edhe falë shpejtësisë me të cilën Shqipëria nisi vaksinimin masiv, por janë shumë sidoqoftë po të kemi parasysh se jemi ende në gusht.
Mjekët më kanë raportuar gjatë gjithë kësaj periudhe se, numri i të pavaksinuarve është sa 95% e totalit të shtrimeve.
Pra është fare e qartë se kush nuk është vaksinuar ende po rrezikon seriozisht, ndërsa përqindja fare e ulët e të vaksinuarve që preken është sidoqoftë shumë më e mbrojtur nga përkeqësimi fatal i sëmundjes”, argumentoi Manastirliu në konferencën e Komitetit Teknik. /sarandacity.al/
