Me artizanët e Butrintit: si i prodhojnë dhe si jetojnë me xhingla-minglat e tyre artistike

Butrinti, ky sit arkeologjik shqiptar, pasuri e UNESCO-s me vlera botërore, ka dhe një tjetër vlerë të shtuar, shumë të njohur edhe për turistët. Ata janë “Artizanët e Butrintit”, një komunitet i vogël, por me shumë vlera, të cilët prej 17 vitesh prodhojnë me duart e tyre produkte të mrekullueshme.

Janë artizanë nga Shëndëlliu, Mursia dhe Ksamili. Të ndodhur mes tyre mësuam shumë. Secili prej tyre na foli në detaje se si i realizojnë xhingla-minglat artistike tjetërçka më të madhe.

https://youtu.be/AV4pPHRZhkA

Pak histori për Dyqanin e Komunitetit në Butrint

Rreth 15 mijë banorë jetojnë në zonën përreth Parkut Kombëtar të Butrintit, shumë prej të cilëve sigurojnë jetesën nga bujqësia dhe blegtoria. Historikisht prodhimi artizanal ka luajtur një rol të rëndësishëm në plotësimin e nevojave të brendshme të komunitetit, por në dy dekadat e fundit problemet ekonomike të Shqipërisë kanë nxitur emigracionin në shkallë të gjerë dhe stilet e jetesës tradicionale janë braktisur në masë të madhe.

Nëpërmjet rigjallërimit të artizanatit lokal dhe sigurimit të një tregu për shitje jo vetëm janë gjeneruar të ardhura për familjet por mes këtyre prodhimeve është kontribuar për të ruajtur këto zeje të trashëguara prej brezash si dhe traditat kulturore të komunitetit.

Dyqani i Artizanatit në Butrint ka nisur aktivitetin e vet që në vitin 2004 dhe nga viti në vit synimi është të mbështesë ruajtjen më të gjerë të vlerave kulturore dhe natyrore të Parkut Kombëtar të Butrintit me përfshirjen e komunitetit dhe krijimin e të ardhurave nëpërmjet sipërmarrjes së qëndrueshme.

Produktet e shitura në dyqan janë krijuar dhe prodhuar me dorë nga banorët vendas.

Duke bërë një blerje nga Dyqani i Artizanatit të Komunitetit kontribuohet në përmirësimin e jetës së një familjeje si dhe në ruajtjen e artizanatit dhe kulturës tradicionale të komunitetit përreth Parkut. /sarandacity.al/