Me “goditje të përqendruar”: gjobëvënie policore në qendër të Sarandës

Një valë gjobëniene përshkoi qendrën e Sarandës nga Rrugorja paraditen e hershme të kësaj të shtune, ku fletushkat e urryera nga drejtues automjetesh, u shfaqën në xhamin e përparëm në shumë prej automjeteve të parkuara.

Gjobat u vendosën në vende të qarta ndalim-parkimi, por që ndaj tyre Policia Rrugore vepron me metodën e aksionit e jo të një konstanteje ndëshkuese rutinore në përditshmëri.

Pra, pasi përcjell mesazhin e një tolerimi, më pas vjen befas ndëshkimi.

Ndaj, përceptimi që krijohet te të ndëshkuarit është ai i një operacioni për të plotësuar normën e të ardhurave nga gjobat e jo edukimi në qarkullim. /sarandacity.al/