Më në fund: fytyra e ndryshuar e Syrit të Kaltër

Më në fund, Syri i Kaltër, një mrekulli që bashkëjetonte me mizerjen e rrugës, ka një fytyrë të re, së paku te rruga, aty ku vuante më së shumti.

Tashmë nuk do jetë ajo e ngushta, e pashtruara, gjithë kurrize e padyshim gjithë pluhur. E reja është një pedonale, e cila pritet ta bëjë më tërheqës këtë pikë turistike unikale, ndër më të vizitueshmet në Jug.

Është fjala për një ndërhyrje që nisi si tani në vit, një investim për ta ndryshuar pamjen e kësaj pike, e cila tashmë pas një viti po ofron tjetër panorame.

Ndër ata që kanë përcjellë mesazhet e ndryshimit aty, ka qenë dhe kryebashkiaku i Finiqit, Kistaq Kiço, si për të kujtuar faktin se Syri i Kaltër i përket pikërisht kësaj bashkie pas ndarjes së re territoriale.

“Pas përfundimit të ndërhyrjeve, zona përmirësohet ndjeshëm dhe fiton sharmin që i përshtatet vërtet një monumenti natyror dhe një destinacioni turistik”, theksoi zoti ai në një deklaratë. /sarandacity.al/