Protothema i ka kushtuar një artikull ndarjes nga jeta të nënës së peshngritësit me origjinë shqiptare Piro Dhima, Lefterie Dhima, e cila u përcoll këtë të dielë për në banesën e fundit në varrezat e Himarës. Ajo do të prehet pranë burrit të saj Viktor, i cili u nda nga jeta në vitin 2017.
Nga kjo media thuhet se Piro Dhima po kalon një periudhë të vështir, pasi tre vite pas ndarjes nga jeta të gruas së tij Anastasia, ai humbi edhe nënën e tij të dashur.
Lefterie Dhima u nda nga jeta në moshën 75-vjeçare pas një ataku në zemër.
Piro Dhima udhëtoi drejt Himarës për t’i dhënë lamtumirën e fundit nënës së tij dhe nuk mundi ta fshehë dot dhimbjen, ndryshe nga sa u tha se ai nuk komunikonte me të.
Ajo u gjet e pajetë një ditë më parë pranë kazanëve të rakisë në afërsi të banesës së saj. Dyshohet se ajo kishte ndërruar jetë tre ditë më parë, pasi trupi i saj u gjet i dekompozuar. /sarandacity.al/
