Media greke ka vënë në fokus fatin e Parthena Koutmeridou, vajzës së ish-deputetit të PASOK-ut Stathis Koutmeridou, e cila ndodhet në gjendje të rëndë pas infektimit me COVID duke qenë shtatzënë në muajin e shtatë.
Mjekët e spitalit në Agios Loukas kanë arritur që të nxjerrin foshnjën me prerje çezariane dhe tashmë po përpiqen për të stabilizuar gjendjen e 38-vjeçares. Foshnja thuhet se është në gjendje të mirë shëndetësore.
Bashkëshorti i saj kërkoi ndihmë nga qytetarët për të dhuruar gjak, ndërsa babai tha se vajza e tij e shtyu vaksinimin me dy muaj pas konsultimeve me gjinekologen e saj. /sarandacity.al/
