Mediken, uragani mesdhetar që po llahtaris Italinë

Jugu i Italisë po përgatitet për dy ditë të tjera shirash dhe përmbytjesh shkatërruese ndërsa një stuhi e rrallë mesdhetare e quajtur Mediken po shkatërron këtë rajon.

Dy persona kanë humbur jetën nga stuhia deri më tani, ndërsa zyrtari sicilian Nelo Musumeci ka konfirmuar se një person tjetër është zhdukur.

Një 53-vjeçar humbi jetën kur automjeti i tij u bllokua në një përrua në Catania, në bregun lindor të Siçilisë, raportoi ANSA.

Policia beson se ai doli nga automjeti dhe u përpoq të shpëtonte nga uji që po afrohej, por nuk ia doli dhe trupi i tij i pajetë u gjet më pas.

Në një tragjedi të ngjashme të dielën, një burrë 67-vjeçar humbi jetën në Catania pasi makina e tij ishte bllokuar në ujë dhe baltë, ndërsa gruaja e tij është ende në kërkim.

Kryetari i bashkisë së Catania-s, Salvo Poglieze u kërkoi banorëve të qëndrojnë në shtëpi nëse është e mundur.

“Kemi pasur dy ditë shumë të vështira dhe kemi kaluar momente dramatike”, tha Pogliese.

Paralajmërimet e kuqe janë lëshuar në ishullin e Siçilisë dhe në rajonin ku ndodhet qyteti i Catania-s, i cili tashmë është prekur nga moti i keq gjatë gjithë javës. /sarandacity.al/

Climate change is real!

Flash flooding in Catania, Italy has turned roads into rivers ☹️ pic.twitter.com/YOP7Oubw7T

— Nigel D'Souza (@Nigel__DSouza) October 27, 2021