Me një det të paqtë pas, në Sarandë, një prej emrave simbol të persekutimit komunist, Simon Miraka, përcjell mesazhe vërtet të vyera për një shoqëri deri dje me mizori komuniste, e më pas me urrejtje të shumë formave, veçanërisht politike, se si duhet të pajtohet dhe bashkohet.
Ai është pjesë e atij projekti që synon të informojë brezat e sotëm mbi të djeshmen komuniste, sipas tij me mision jo urrejtjen por pajtimin. Por, siç thotë z. Miraka, dikush duhet të kërkonte apo të kërkojë falje.
Pas një dite në Sarandë, me një tur në Konispol me të rinj gjimnazistë, të cilët u njohën dhe me vuajtjet çame, ai foli shkurt por me shumë qartësi a qashtërsi mbi atë se si paqja duhet të mbizotërojë mes nesh si shoqëri.
Ndër më të interesantet, thënë jashtë kamerave prej tij, ishte ajo se dhe det për herë të parë, si pasojë e burgjeve dhe persekutimit, kishte parë nga afër vetëm në ’90-ën, në Durrës. E si pasojë, as not nuk kishte mundur të mësonte siç duhej. /sarandacity.al/
https://youtu.be/64OM_-00xPQ
