Një sherr mes shqiptarësh në një lokal në Greqi, në Nea Joni, i ka marrë jetën një bashkëatdhetari të tyre të pafajshëm. Ndodh kjo pak ditë pas një i ri grek vrau një të ri shqiptar në Mykono, pasi një sherri me motiv një femër.
Greku, siç pohoi dhe vetë, kish qenë i dehur në momentin që i ka marrë jetën shqiptarit, i cili posedonte biznes, madje dhe një vilë në vendin e njohur turistik.
Sipas informacioneve të fundit, gjithçka ka nisur kur një grup prej shtatë shqiptarësh kanë mbërritur në kafene dhe kanë nisur të debatojnë pa u ulur.
Më pas të shtatë kanë dalë në rrugë jashtë kafenesë me njëri prej tyre duke nxjerrë armën dhe duke qëlluar. Për pasojë, shqiptari fatkeq, i cili siç u konstatua nuk kishte lidhje me grupin e bashkatdhetarëve të tij që u grindën, mbeti i plagosur në klavikul. Ai thjesht po shihte ndeshjen.
Pas plagosjes së shqiptarit, grupi prej 7 personash është zhdukur në drejtim të panjohur.
Shqiptari fatkeq u dërgua i plagosur në spitali ku ndërroi jetë pak para orës 03:00 pasi kishte humbur shumë gjak. /saradacity.al/
