I paduruar derisa të mos jetë më president, Meta doli në një konferencë për media me motive të pastra politike, pa ndonjë shkak të caktuar shtetëror, por me një amalgamë arsyesh në fund të pakuptueshme. Ai u dërgoi mesazh Ramës dhe Bashës se shumë shpejt do të kenë ballafaqimin e parë me të.
“… të bëhen gati se pas ballafaqimit të parë që do të jetë më e largëta në një vit që janë zgjedhjet e përgjithshme vendore, koalicioni bravo-brava që ka 8 vite që qeveris Shqipërinë, natyrisht do ti recitoj poezi që e ka bërë vetë shefi i këtij koalicioni, ‘Ina-Ina’ pas zgjedhjeve dhe garës së parë”, ishin fjalët e kreut të shtetit.
“Shoh një dëshirë të madhe për të më përfshirë në një garë ose për të më paraqitur si të përfshirë në gara të mëparshme. Unë nuk kam mundësi as të votoj në këto zgjedhje sepse i takoj bashkinë së Tiranës. Por, si çdo marrë fund koha e gallatave me borxhet për të blerë profesionalizmin tuaj përmes presioneve që vijnë ndaj pronarëve. Ajo gjuhë që përdoret për të blerë ishullin e vetëm është gjuhë e përditshme ndaj pronarëve.
Kështu do të përfundojë edhe koha e ndeshjeve të shitura pa filluar. Nuk kam marrë pjesë në ndonjë garë. Kam qenë në garë për të mbrojtur Kushtetutën.
Por meqenëse duan të më përfshijnë me pahir, po i paralajmëroj qetësisht se janë shqetësuar që kam recituar poezi…”, tha njeriu që mban postin e presidentit. /tesheshi.com/
