Ilir Meta do jetë president deri ditën kur i mbaron mandate, pra në korrik dhe ai nuk do shkarkohet.
Kështu ka vendosur Kushtetuesja, përkundër perceptimit të përgjithshëm se do ndodhte e kundërta.
Sipas Gjykatë Kushtetuese, nuk janë ka gjetur shkelje të rënda të kushtetueses për shkarkimin e Ilir Metës.
Vendimi i Kushtetueses:
- Faktet e paraqitura si shkelje të nenit 86, pika 1, dhe nenit 89 të Kushtetutës, nuk përbëjnë shkelje të rënda të Kushtetutës.
- Nuk ka shkelje të rëndë të nenit 88, pika 3, të Kushtetutës, pasi:
– Faktet që lidhen me të drejtat në procesin zgjedhor nuk përbëjnë shkelje të rënda të Kushtetutës.
– Faktet që lidhen me marrëdhëniet me partnerët strategjikë nuk përbëjnë shkelje të Kushtetutës.
– Faktet e paraqitura si shkelje që lidhen me pavarësinë e organeve publike nuk përbëjnë shkelje të Kushtetutës.
– Faktet e paraqitura si shkelje të rendit dhe sigurisë publike nuk përbëjnë shkelje të Kushtetutës.
- Faktet e paraqitura si shkelje të nenit 94 të Kushtetutës nuk përbëjnë shkelje të Kushtetutës.
Për këto arsye, Gjykata Kushtetuese e Republikës së Shqipërisë, bazuar në nenet 90, pika 2 dhe 131, pika 1, shkronja “dh”, të Kushtetutës, si dhe nenin 63, pika 2, të ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë” të ndryshuar,
VENDOSI:
Shfuqizimin e vendimit nr. 55/2021, datë 09.06.2021 të Kuvendit të Shqipërisë “Për shkarkimin e Presidentit të Republikës së Shqipërisë për shkelje të rënda të Kushtetutës”.
Më këtë vendim mbyllet dhe një sagë e gjatë mes mazhorancës dhe kreut të shtetit, për t’u zgjidhur njëherë e mirë në korrik, ku Ilir Meta do largohet nga Presidenca pas përrfundimit të mandatit 5-vjeçar. /tesheshi.com/
