Midhja dhe festa e saj: ç’kërkon aktivisti i njohur nga Ksamili

Soraldo Nebo, aktivist dhe koordinator i “Lëvizjes për Ksamilin” ka rikthyer në qendër të vëmendjes kërkesën e tij lidhur me “Festën e Midhjes”.

Ndërsa ka shkuar pranë pikës së grumbullimit të midhjes dhe ku bëhet paketimi e pastrimi i tyre, pranë punëtorëve aty, Nebo ka kërkuar:

“Jam sot në një vend ku më qeshin sytë, me njerëz që sado që lodhen, sado që është punë e vështirë, sepse është gjithë procesi me dorë, prapë janë njerëz të lumtur.

Këto gra janë mbretëresha që i shërbejnë mbretëreshës. E pikërisht për këtë arsye kërkoj me zë të lartë që Festa e Midhjes të bëhet e qëndrueshme, e ti largohet konflikti territorial që të bëhet në Sarandë e jo në Ksamil.

Ajo festë le të bëhet dhe në Sarandë dhe në Ksamil, por në qendër të vëmendjes duhet të jetë fermeri. Ajo festë duhet ti shërbejë fermerit dhe mbretëreshës në promovim”.

Gjithashtu Soraldo ka shprehur dhe disa nga mungesat e këtyre fermerëve, për një port më të mirë, për një vend me kushte më të mira pune.

“Vetëm të bëhet festa e Midhjes dhe të ketë në qendër të vëmendjes fermerin, se ku bëhet ka pak rëndësi!”, e mbyll mesazhin aktivisti dhe koordinatori i OJQ “Lëvizja për Ksamilin”. /sarandacity.al/

https://youtu.be/H4Ij9yGy5jA