Ministrja e Turizmit dhe Mjedisit Mirela Kumbaro, pranoi dhe pohoi se një ndër aspektet më negative të sezonit të kaluar në Sarandë, ishte ndotja akustike.
E tha këtë nga një prej ndotësve më akustikë të Gjirit të Sarandës gjatë sezonit, në një prej lokaleve të njohura në Turizëm – Çukë, prej së cilit buron një batërdi akustike që gabimisht e trajtojnë si muzikë.
Por sezonit të kaluar iu shtuan dhe anijet shëtitëse, të cilat ishin “shtet më vete” përsa i përket llojit të muzikës, nga më bastardia e mundshme, volumit pa sens masë, e gjithashtu kohës së lëshuar, kur t’jua donte qejfi. Përballë gjithë këtyre, shteti ishte i pafuqishëm.
Por sipas ministres Kumbaro nuk do të jetë më kështu. Ajo tha se askush nuk ka të drejtë që për interest e veta të fitimit të dhunojë akustikisht pjesën tjetër.
Ndaj ajo, nga Saranda, paralajmëroi kritere këtë sezon që po vjen.
https://youtu.be/YcSDW7fyFr0
