Mjedisi, zbulohet “Thembra e Akilit” në Finiq: Ja pse Bistrica s’është si Kalasa…

Në vazhdim të projektit “Për përdorim sa më pak të plastikës dhe të mbetjeve urbane”, ku partnerë janë Bashkia Finiq, Agjensia AJMMI, dhe shkollat Finiq, Mesopotam, Livadhja, mbështetur nga GIZ-i gjerman, në Finiq u organizua një tryezë mediatike ku fokusi ishte edukimi mjedisor në shkolla dhe roli i nxënësve si aktorë të rëndësishëm për sensibilizim të komunitetit.

Në këtë projekt është përfshirë edhe Bashkia e Lezhës.

Ishte në takim edhe kryetari i Bashkisë Finiq, z. Kristaq Kiço, i cili  e vuri  theksin se ka vend për më shumë punë në ketë drejtim dhe sipas tij puna duhet të nisë nga shkollat.

“Ajo do të jetë ‘Thembra e Akilit’ dhe qëllimi ynë kryesor”.

U nënvizua se me shkollat  vazhdon një bashkëpunim i frytshëm dhe ka një frymë pozitive.

“Ta thellojmë këtë bashkëpunim”, dhe në këtë rast përgëzoi stafet e shkollave qe ishin mjaft aktiv dhe promotorë me mësues e nxënës.

Nga ana e tyre, kordinatorët nga GIZ i palës shqiptare, Gavrosh Zela dhe Yllka Sela, verejtën se “kemi rezultate mjaft pozitive në 58 fshatra të Bashkisë Finiq në drejtim të mjedisit”.

“Tashmë basemi i lumit të Bistricës është i pastërt nga mbetjet urbane  dhe plastike, janë vendosur kosha në pika të rëndësishme, verëjmë një fytyrë të pastër në rrugët, sidomos në atë nacionale, dhe kjo falë angazhimit dhe seriozitetit që tregoi Bashkia në këtë problem kaq  të rendësishëm”.

Ata nënvizuan se gjithë kjo u arrit në sajë të mbështetjes së fuqishme nga shkollat.

Në fjalën e tij, Shkëlqim Hajno, drejtor ekzekutiv i AJMMI-it, u fokusus në punën dhe bashkëpunimin me shkollat, ku ato i dhanë një dinamizëm punës sensibilizuese për mjedisin me komunitetit.

Jo vetëm që çdo shkollë ka skuadra të vullnetarëve të gjelbërt, këndet e tyre, por janë rritur kërkesat për më shumë vullnetarë dhe kjo na gëzon. Ishin nxënësit e shkollave të Finiqit, Mesopotamit, Livadhjasë që ndërmorrën disa aksione për pastrimin e basemit të lumit të  Bistricës, të Povllës, të fshatrave Mesopotam, Urë-Krane, Livadhja e tjera.

Foli dhe kryetari i Bordit të AJMMI-it, z.Panajot Boli, i cili gjithashtu i mëshoi rolit të shkollës, aktivizimit të nxënësve në këtë problem kaq jetik, duke theksuar një zinxhir të njohurive që marrin  në shkollë për edukimin mjedisor, i cili lidhet me realitetin që jetojmë.

“Në këtë projekt, nxënësit”, tha ai, “janë aktorë kryesorë, pasi janë  dhe më dinamikë dhe përcjellin te prindërit, te komuniteti, frymën e re dhe qëndrimin ndaj përdorimit sa më pak të plastikës, mbjetjeve urbane”.

Kurse kordinatori i AJMMI-it dhe këshilltari në Bashkinë e Sarandës Meto Nelaj, solli  përvojën e tij, punën mjaft të mirë qe bëri me riciklike me mbetje plastike duke nxitur nxënësit të krijojnë edhe ata. Kështu, u hapën ekspozita, u bënë konkurse dhe trajnime të mësuesve. Kjo i dha impulse të reja punës për edukimin mjedisor.

Ai tha: “Shikoni rrjedhën e lumit Bistricë, s’ka fare mbetje, i pastër; ndërsa shikoni Kalasën, plot mbeturina. Puna jonë ka dhenë efekte mjaft positive”.

Në diskutimet e tyre, Katerina Thodhori, Kristaq Thanasi, Sofika Spahu, nga stafi i Bashkisë, vunë në dukje efektet mjaft pozitive që solli zbatimi i këtij projekti, por kërkohet me shumë ndërgjegjësim dhe më shumë mbështetje për shkollat.

Madje, Katerina Thanasi tha se “ishte një ndihmë e madhe makina  e mbjetjeve, si dhe koshat që dha GIZ-i gjerman, por kemi akoma nevojë edhe për 100 kosha dhe një makinë transporti të mbeturinave me kapacitet mesatar”.

Kryebashkiaku Kiço premtoi se do të kërkojë bashkëpunim edhe  me Bashkitë fqinje, në mënyrë që ky projekt të këtë sukses. /sarandacity.al/