Mursia qan dy jetë të shuara nga i njëjti fis: qershori ynë i zi!

Mursia vuan ikjen e dy banorëve të saj muajin që sapo lamë pas, që të dy nga i njëjti fis.

“Muaji qershor që lamë pas dje na pakësoi me dy pjesëtarë të komunitetit tonë, fatkeqsisht të dy nga fisi i nderuar i Tahajve.

Në fillim të muajit, dt. 2 qershor, në Paris, Francë, pushoi së rrahuri nga një infarkt zemra e Dhimitër Tahos, 43 vjeç, duke lënë të pikëlluar babain, Lolin, vëllain, Janin, dhe motrën Hajdho, për t’ju bashkuar shumë para kohe në botën e përtejme pas 2 vjet e 4 muaj mamasë,  Athinasë”, shkruhet në faqen Mursia në FB. Më pas aty ofrohen dhe detaje dhe nga ikja e tjetrës jetë.

“Në ditët e fundit të muajit, dt. 29 qershor, pasi vuajti disa ditë nga një sëmundje e pashërueshme, dha shpirt në Spitalin e Janinës Thodhori Taho, 73 vjeç, duke lënë në dëshpërim për këtë humbje bashkëshorten, Athinanë, djalin, Sotirin, vajzat Donika, Vasillo dhe Maria, nipërit dhe mbesat, të afërmit, miqtë dhe bashkëfshatarët tek të cilët gëzonte respekt dhe vlerësim.

“Në emër të shoqatës ‘Vllazëria Mursiote Shën Kozmai’ përcjellim ngushëllime të ndjera për të afërmit e të dy familjeve nga fisi Taho që humbën njerëzit e tyre të dashur, nip dhe xhaxha, brenda një kohe shumë të shkurtër dhe shumë para kohe.

Qofshin të parajsës!”. Përfundon dedikimi nekronologjik për të ndjerët. /sarandacity.al/