Nuk kanë “tundur këmborën” dhe kjo u ka kushtuar vendin e punës në Bashki 5 burrave të strukturës së Inspektoriatit Ndërtimor të Urbanistikës Vendore.
Shkak për largimin nga kjo strukturë mësohet të jetë bërë tolerimi ose mosveprimi ligjor që u kërkonte detyra funksionale.
Pasoja e ardhur nga kjo ka bërë që gjatë fushatës zgjedhore dhe në prag të nisjes së sezonit veror, në Ksamil dhe Sarandë, të gjallërohet paligjshmeria e ndërtimeve.
Ata janë shkarkuar me motivacionin “Për moskryerje të detyrës funksionale në mënyrë të përsëritur me pasoja të rënda”.
Fjala është për:
Engjëllush Braho
Toli Qesari
Erjon Çakalli
Tonin Simoni
Oltion Durmishi
Shkarkimi i tyre ka ardhur me urdhër të vetë kryebashkiakut Gurma.
Ndërkohë, mësohet se në ditët në vijim pritet një aksion i IVMT në Bashkinë Sarandë për goditjen e ndërtimeve pa leje në vijën bregdetare.
Ky zhvilim pason ashpërsinë e mesazheve të kryeministrit Rama përcjellë ditë më parë, në lidhje me abuzimet në territor, por paralel dhe me korruptimin e strukturave shtetëtore. /sarandacity.al/
