Frida Krifca, njeriu që drejton AZHBR-në, promovoi sërish projektin investues në agroturizëm në një çifti amerikan, pikërisht në Finiq.
“Botë Farm dhe ëndrra e Kyle dhe Shawn, dy amerikanëve të dashuruar me Sarandën, po merr formë në Finiq. I janë futur punës me ritëm, me synimin për ta hapur fermën, në fillim të sezonit tjetër. Terreni është i vështirë por këmbëngulja e madhe. Bukuria e luginës së Mesopotamit, marramendëse e i jep motiv për të punuar më shumë e më shpejt”, shkruan Krifca.
Ajo qartëson se projekti i tyre po mbështetet nga AZHBR(Agjencia e Zhvillimit Bujqësor dhe Rural).
“I vizitova te shoh se si me mbështetjen e AZHBR nëpërmjet Programit IPARD po jetësohet kontrata që kemi nënshkruar me ta ku do të ngrihen gjashtë struktura akomoduese, restorant me kuzhinë të hapur, pishine si dhe infrastruktura që janë të nevojshme për funksionimin e një ferme të vizitueshme agroturistike.
Koncepti i diversifikimit të fermës këtu është emancipues.
I fton vizitorët të jetojnë fermën, kultivojnë produktet, ti gatuajnë ato, në fshat, 15 minuta larg Jonit”. /sarandacity.al/
