Në disa pjesë të Australisë, natën mes të premtes dhe të shtunës, më 19 dhe 20 korrik, ra më shumë se gjysmë metri borë, e cila shkaktoi gëzim tek më të rinjtë, por edhe në agjencitë turistike.
Një zyrtar nga Organizata e Turizmit në Buller dhe Stirling Mountain Resorts tha se bora kishte rënë vazhdimisht gjatë 24 orëve të fundit.
“Kjo është e bukur. Ka filluar të bjerë borë dje dhe nuk ka ndalur deri më tani. Këto janë kushtet më të mira të skijimit deri më tani. Sezoni filloi shumë ngadalë muajin e kaluar, por kjo sasi dëbore është një lehtësim i vërtetë për pjesën tjetër të sezonit”, theksoi David Clark.
https://twitter.com/i/status/1807300414938726892
Në vendin e Falls Creek në veri-lindje të shtetit të Victoria-s, kanë rënë 45 centimetra borë në 24 orët e fundit.
Një valë e ftohtë që lëviz nëpër Australinë Jugore drejt Viktorias, Uellsit të Ri Jugor dhe Queensland ka sjellë shi dhe temperatura të ulëta rekord, si dhe borë dhe stuhi.
Meteorologët paralajmërojnë borë të re dhe stuhi, si dhe parashikojnë se në shtatë ditët e ardhshme do të bien më shumë se 80 centimetra borë, shkruan The Guardian. /tesheshi.com/
