Në pritje të areoportit të Sarandës: ja çmimet e çmendura që ofron ai i Kukësit

Teksa Saranda pret ditën e shpalljes së areoportit të saj – kush do ndërtojë, ku dhe kur nis – në Kukës, areoporti i atjeshëm, do ofrojë çmime fluturimi gati të pabesueshme.

Eshtë kryeministri Rama ai që ka njoftuar ditën e nisjes së fluturimeve, si dhe destinacionet e para e çmimet përkatëse të biletave, të tipit Low Cost.   

“Se ç’ishin ca miq që thoshin Aeroporti Ndërkombëtar i Kukësit ishte sa për fushatë, po unë s’bëj asgjë sa për fushatë dhe çfarë bëj e them e çfarë them e bëj, kështu që bujrum me Air Albanian në portën e hapur të qiellit të Kukësit.

Po nuk mbaron me kaq, lajme të tjera nga ky front së shpejti.

*** 1€ + taksat domethënë:

Kukës – Zyrih 12 EUR,

Zyrih – Kukës 28.66 EUR,

Kukës – Stamboll 12 EUR,

Stamboll – Kukës 23 EUR”, shkruan shefi i qeverisë.

Kujtojmë se ai ka premtuar se së shpejti do bëjë shpalljet për areoportin e Sarandës, i cili pason atë të Vlorës dhe që do jetë specifikisht turistik. /sarandacity.al/