Nga Ministria e Turizmit vjen ftesa për ide që mund të financohen, të cilat kanë për qëllim promovimin e sa më shumë destinacioneve turistike.
“Puna për sezonin e ardhshëm turistik ka filluar sepse e dimë që do të jetë edhe më i fortë, edhe më i pasur në kërkesa.
Të promovojmë destinacione të reja turistike, me vlera të trashëgimisë kulturore dhe natyrore, duke zhvilluar modele të reja inovative – është ambicia jonë, është oferta e operatorëve turistikë dhe dëshira e vizitorëve.
për këtë Ministria e Turizmit dhe Mjedisit shpall thirrjen për përfitimin e mbështetjes financiare të projekteve në fushën e turizmit nga data 07/10/2021 deri më datën 06/11/2021”, shkruan ministrja Mirela Kumbaro.
Më tej detajohet:
“Thirrja është e ndarë në tre tematika:
Promovimin e destinacioneve turistike e të vlerave të veçanta të produkteve dhe atraksioneve turistike.
Krijimi/zhvillimi/përmirësimi/ i produkteve turistike specifike në përputhje me kërkesën gjithnjë në rritje për paketa inovative.
Përgatitja e studimeve apo e modeleve të produkteve turistike”.
Aplkimet, thuhet në njoftim, duhet të bëhen te kjo adresë: http://turizmi.gov.al/thirrje-per-projektpropozime-ne-fushen-e-turizmit
