Nëntë qendra shëndetësore të përhershme dhe tre qendra verore, nga Borshi në Konispol, janë në shërbim të banorëve që mbulohen nga Njësia Vendore e Kujdesit Shëndetësor në Sarandë.
Qendrat janë të kompletuara, tha për sarandacity drejtori i NJVKSH Sarandë, Arsen Dule.
Në qendrat verore shërbejnë 9 mjekë dhe 9 infermierë gjatë 24 orëve.
Përveçse shërbimit mjekësor janë në dispozicion dhe autoambulancat në secilën prej qendrave verore, të cilat njoftohen nëpërmjet 127 për çdo emergjencë.
“Deri në këto momente nuk kemi patur raste ku nuk iu jemi përgjigjur qytetarëve, shërbimet kanë qenë nga më të ndryshmet që nga virozat e stinës, helmime etj”, shprehet Dule.
Detaje të reja informon drejtori Dule edhe për situatën e vaksinimit në rajonin e Sarandës.
Deri tani janë kryer rreth 21 mijë vaksinime në dozë të parë dhe të dytë, ndërkohë që prej datës 15 qershor vijon vaksinimi për fashën +18, e cila do të përfundojë në 30 gusht.
Vijon dhe vaksinimi i “Javës së Hapur” për çdo grupmoshë. /sarandacity.al/
