Në se doni të dini se cila është Saranda e një jave, këtë mundësi jua jep për çdo të premte gazetari Thoma Nika.
Raportimi i kësaj të premteje për ekranin e RTSH, nis nga zigzaget e motit, për të mos lënë pa përmendur sekondat e lëkundjeve sizmike në disa fshatra të Finiqit dhe mandej për treguar ecurinë e procesit të vaksinimit.
Raporti ndalet tek përjetimet me “liri” ende me kufi në javën e parë të Muajit të Ramazanit.
Duke lënë mënjanë ethet e garës elektorale, gazetari Nika flet për punët dhe investimet, që janë realizuar këtë javë në qytet dhe në fshatra, të cilat u mbeten komuniteteve lokale, si produkt i fushatës zgjedhore.
Bërja e Milto Gurmës “Mjeshtër i Madh” nuk mund të mos ishte pjesë e kësaj jave informative.
Por syrit vëzhgues të gazetarit nuk i ka shpëtuar edhe aerobia e programuar e të huajve në shetitoren e Sarandës, ndërkohë që vendasit vazhdojnë të jenë “të shtrenjtë në krrunde”, duke iu drejtuar palestrave të mbyllura. /sarandacity.al/
https://youtu.be/LeYPdSK0lx4
