Ngjarja që tronditi Greqinë: shqiptarët, shpëtimtarë të një foshnjeje

Një ngjarje e pabesueshme në Greqi, ndodhur në publik, ka tronditur opinionin e atjeshëm.

Një burrë ka tentuar që të mbysë fëmijën e tij në mes të rrugës në qendër të Athinës, por që siç e paraqesin pamjet e siç e raportoi rastin për mediat greke reporteri shqiptar i TCH, Artur Bibe, te kalimtarët e rastit që ndërhyn duke shpëtuar foshnjen ishin dhe tre shqiptarë.

Sipas Bibes, njëri nga shqiptarët ka tentuar që ta lironte fëmijën nga babai duke folur me këtë të fundit. Por pasi ai nuk pranonte, shqiptarit i është dashur që të përdorë një tjetër formë.

Bibe tha se në fillim u duk sikur babai po e ndihmonte djalin nga mbytja, por kur dëgjuan nënën e tij që kërkonte ndihmë, atëherë atij i erdhën në ndihmë kalimtarët.

Sipas të dhënave të para, gjithçka ka ardhur nga përplasjet burrë e grua. /sarandacity.al/