Kandidatit për deputet Niko Kuri i ka bërë përshtypjen ajo me të cilën është ballafaquar gjatë një qëndrimi në Sopik. Aty, ai thotë se ka parë se si kontribuon vetë komuniteti në përmisimin e jetës sociale.
“U ndodha këto ditë në fshatin Sopik dhe pashë nga afër bashkëpunimin e përkryer të qytetarëve me autoritetet vendore të Finiqit në realizimin e një investimi të rëndësishëm në infrastrukturën e brendshme.
Banorët blenë 72 m3 beton dhe rrjetë hekuri ndërsa bashkia vuri në dispozicion makineritë dhe grupin e punëtorëve për shtrimin e këtij betoni.
Vepra u realizua me cilësi dhe me kosto më të ulët.
Përgëzime sopiqotëve dhe bashkisë Finiq!”, shkruan kandidati Niko Kuri, mjek i njohur i Sarandës, i cili tashmë po synon dhe shërimin e zonës me të qënit deputet. /sarandacity.al/
