Shëtitorja e re e Sarandës është pasuruar këto ditë me detajin dekorativ të pemëve dhe luleve. Por entuziazmin qytetar të asaj që po shfaqet ditë pas dite, e kanë cenuar paksa pishat e mbjella. Kjo pasi për shumë qytetarë të Sarandës duhej të mbilleshin palma e jo pisha.
Sipas tyre, në planin dekorativ, qyteti ka për traditë palmat e jo pishat, edhe pse kurora e Sarandës në fakt është me pisha e jo palma. Por këtë pritet ta sqarojnë autoritetet lokale.
Kryesorja është që në planin e përgjithshëm shëtitorja po pritet mirë dhe faza e gjelbërimit që sapo ka nisur e bën më tërheqëse. /sarandacity.al/
