Kryeministri Rama ofroi këtë mëngjes investimit suedez në Nivicë, shtëpi prej druri e kashte.
“Ja edhe resorti ekologjik i investitorëve suedezë në Nivicë që po bëhet gati të çelë dyert këtë sezon”, shkruan shefi i qeverisë, duke promovuar kthesën që po merr Kurveleshi e Labëria nga projekti i “100 fshatrave”.
Por këtu duhet kujtuar se Nivica është pikënisja e këtij projekti. Ajo është një ide fillestare e Auron Tares, nip asaj ane, i cili që në fillimet e qeverisjes së Rilindjes u investua personalisht në kapitalizimin e aseteve të fjetura të zonës në funksion të turizmit. Fillimisht, duke rehabilituar qendrën e Nivicës.
Së këndejmi nisi dhe projekti ekonomik i “100 fshatrave”, duke patur pikërisht si model inspirues Nivicën.
Falë kësaj inisiative, ky fshat apo kjo zonë, ku deri dje kishte vetëm jetë baritore, e gjithçka tjetër ishte në shuarje të plotë, tashmë po ridimensionohet.
Fakti që po investojnë suedezët, është treguesi më sinjifikativ. /sarandacity.al/
https://youtu.be/Af9Z2midEqU
