Nisma e Luleve në bashkëpunim me Spiranca Diving Center ka qenë sot pranë ujrave të Gjirit të Artës, për të vijuar me aksionin nr.17 për të pastruar detin.
Ky aksion ka filluar rreth orës 9:00 siç dhe ishte paralajmëruar në Facebook nga Nisma e Luleve.
Rreth 50 goma, të madhësive të vogla e deri te ato të automjeteve të rënda janë nxjerrë sot nga thellësitë e këtyre ujërave.
Fundjavën e kaluar Nisma e Luleve në bashkëpunim me Spiranca Diving Center dhe mbështetjen e Bashkisë Sarandë vendosën 20 kosha përgjatë aksit rrugor Grand Hotel-Kanalini i Çukës. /sarandacity.al/
