Një dorëheqje e bujshme ka ardhur në kontekst të zhvillimit më të fundit që ka të bëjë me Parkun e Butrintit, cili i është dhënë për menaxhim Fondit Shqiptaro-Amerikan.
Raprtohet se aktivisti i Diasporës shqiptare në New York, Cafo Boga, është vetëlargur nga ky fond pas 25 vitesh, pikërisht me arsye Butrintin.
“AADF filloi me një plan të integruar menaxhimi për zonën e Trashëgimisë Botërore të Butrintit, si një nga vendet më të rëndësishme të Shqipërisë dhe më e vështira për t’u zbatuar.
Pas shumë ecejakeve dhe punës së mundimshme, plani u aprovua dhe do të përdoret si prototip për objekte të tjera të trashëgimisë kulturore dhe arkeologjike, si Kompleksi i Amfiteatrit të Durrësit. Më duhet të përmend se ky projekt ka shkaktuar shumë polemika dhe vazhdon të shkaktoje, për shkak të rolit të Fondacionit dhe mënyrës se si u zbatua.
Sinqerisht, neve si bord nuk na u prezantuan të gjitha faktet dhe dokumentet lidhur me këtë projekt, përndryshe ne mund të kishim diskutuar më thellë dhe ndoshta të kishim vepruar ndryshe. Mungesa e transparencës dhe keqkuptimi luajti një rol në të….”, citohet ai në një letër dorëheqjeje. /tesheshi.com/
