Me gjasë, në krye të spiunazhit shqiptar – ndryshe SHISH – do jetë një grua. E rrallë kjo për struktura të inteligjencës, ku zakonisht natyra delikate e llojit të punës idenitikohet me burrë.
Po kush është emri që sipas Ramës duhet të pasojë Helidon Bendon në krye të inteligjencës shqiptare?
“Sot i paraqita Presidentit të Republikës propozimin për emërimin e Znj. VLORA HYSENI drejtore e Shërbimit Informativ Kombëtar, me besimin e plotë se përgatitja e spikatur, eksperienca e krijuar në vite dhe respekti që zonja Hyseni gëzon në komunitetin ndërkombëtar të inteligjencës, përbëjnë një garanci të plotë për reformimin e mëtejshëm të shërbimit inteligjent shqiptar”, shkruan i pari i qeverisjes.
Megjithatë, për publikun e gjerë ky emër nuk është i njohur. Pritet të njihet vetëm tashmë që kryeministri e ka zgjedhur për t’i besuar postin e lartë në krye të SHISH. /tesheshi.com/
