Oltion Rrumbullaku, pegadog i Fakultetit Ekonomik, vlerëson Sarandën këtë sezon, duke veçuar fillimisht çmimi e një kafeje dhe uji.
“Disa pluse nga Saranda
- Kafja 70 lekë në lokalet e lungomares (Bar Kaonia). 70 lekë! Uji 50 lekë! Gjej një qytet në mesdhe me këto çmime. Nuk e gjen dot. Pikë!
- Muzika! Nuk ka muzikë me zhurma absurde në lungomare. Nuk e di a është ndikim i bashkisë, apo i vetë bizneseve. Bravo në secilin rast.
- Shëtitorja e re ka tashmë me dhjetra barka dhe anije që ofrojnë shërbime shëtitjesh në det. Me mijëra pushues lëvizin çdo ditë me anije. Shëtitorja e re nuk është vetëm e bukur, por ka sjellë anijet në qytet dhe qytetarin në anije dhe në det. Mrekulli!
Saranda surprizon vetëm për mirë”, shkruan ai.
Më herët, Rrumbullaku trajto dhe çështjen e trafikut në sezon, që sipas tij është kudo por që dallon nga virtyti i durimit dhe etikës që karakterizon të bllokuarit në trafik.
“Disa krahasime pas disa ditë pushime në Mal të Zi, më shumë pushime dhe më pak takime me kolegë respektivë aty
- Trafiku i tmerrshëm! Trafik në çdo qytezë bregdetare, në çdo orë të ditës, me qytetarët që lajmërojnë njëri-tjetrin për të shmangur trafikun. Rruga kryesore Budva-Tivat vetëm rreth 25 km kishte raste që merrte dhe 3 orë, mirëpo faqet malazeze në instagram lajmëronin se cilat rrugë apo plazhe kishin më pak trafik për t’u përdorur
- Fiskalizimi ka përfunduar vetëm para dy muajsh dhe ishte kudo, edhe në biznesin më të vogël që kishte të bënte me turistë. Fiskalizimi ishte plotësisht sipas modelit kroat që po përdorim dhe në Shqipëri. Histori suksesi!
- Çmimet! Patjetër që kafja më e lirë 1.2 EUR dhe shishja e ujit në çdo lokal rruge minimalisht 1.2 EUR nuk mund të krahasohet me 99% të lokaleve në Shqipëri. Pa folur për çmimet e tjera. Uji 0.33l 1.2 EUR!!! Kush ankohet për çmimet në Shqipëri, e ka vetëm 100 km larg mundësinë e krahasimit.
- Mbajtja e radhës në rrugë! Në disa ditë dhe shumë orë në trafik, nuk pashë një rast të vetëm që një makinë të parakalonte makinat e tjera në radhë. Madje, rruga nga Cetinje në Budva është me 3 korsi në total, me një korsi në zbritje dhe 2 korsi në ngjitje dhe në një radhë mbi 4 km me makina në zbritje të ndaluara në vetëm një korsi dhe asnjë makinë nuk dilte nga radha për të përdorur korsinë e mesit që ishte bosh, por me vijë të pandërprerë. E paimagjinueshme në rrugët tona.
- Porto Montenegro! Nëse ka dikush dyshime për suksesin e Marina Durrës mund të shikojë vetëm disa minuta Porto Montenegron, me 450 vende varkash dhe jahtesh, i mbushur plot me varka dhe jahte, nga e gjithë bota.
Nuk e di kur do vijë dita që makinat në Shqipëri të respektojnë radhën e trafikut në mënyrë, ama për pjesën tjetër patjetër që kemi avantazhet tona, ose mundësitë për t’u përmirësuar shpejt”. /sarandacity.al/
