Petro Gjikuria, kandidati opozitar për Bashkinë e Himarës, në zgjedhjet e pjesshme aty më 4 gusht, është jo vetëm një Beler nr. 2 në qasje politike, me ndryshimin se të paktën nuk akuzohet si vrasës shqiptarësh, por dhe një i marrosur pas Belerit.
Duke e përcjellë për një burg pas kthimit nga Strasburgu, atje ku Beleri u betua si eurodeputet, Gjikuria tha se mbështetja e Fredi Belerit është një nder për të.
“Përpjekjet e Fredi Belerit për demokraci dhe për shtet të lirë duhet të jenë frymëzim për të gjithë ne. Mbështetja e Fredi Belerit, më nderon, është nder shumë i madh për mua.
Himara ka një eurodeputet, Fredi Belerin dhe me 4 gusht do të ketë edhe kryetarin e saj të Bashkisë”, tha Gjikuria, i cili vjen nga SHBA-ja. /tesheshi.com/
