Në promovimin e librit të Vangjel Agorës mbi historikun e Estradës së Sarandës, kryebashkiaku Gurma tha se nuk ndjehet mirë që eventi i këtij promovimi nuk mund të bëhej dot në atë që e quajti “Shtëpi të Estradës” dhe bëri publik lajmin se pritet dhënia e fondit që do të duhet për rikualifikimin e Kinoteatrit “Butrinti”.
Projektin tjetër ambicioz për ngritjen e Bandës muzikore të Fëmijëve, kreu i Bashkisë Gurma e solli si argument tjetër të kthimit të vëmendjes së institucionit që drejton, nga fusha e artit dhe kulturës në qytet.
Dhe vërtet, Qendra Kulturore, ose Kinoteatri, është në një gjendje të vajtueshme, deri në daljen jashtë funksioni të skenës. Aty, prej kohësh s’mund të kryhet më asnjë aktivitet, pasi shumëçka është rënuar.
Është një rënim që shihet me sy të lirë dhe nga jashtë. Por pos mureve, pra aspektit fizik, aty duhet ripërtërisë dhe aspekti i resurseve njerëzore, duke mbajtur potencialet ende aktive krijuese dhe interpetuese, si dhe duke investuar në brezin e ri.
Ndërkohë, duke iu kthyer librit të Vangjel Agorës, “Aroma e një kohe që po ikën”, ky libër do jetë në zyrën e kryebashkiakut t’ua dhuruar personaliteteve si vlerë e qytetit. /sarandacity.al/
