Policia e Gjirokastrës arriti të zhbëjë një pengmarrje, duke shpëtuar jetën e një 34-vjeçari me iniciale J.Gj e arrestuar autorët.
Sipas informacioneve zyrtare, janë arrestuar Myrteza Domi, 28 vjeç; Enea Taho, 33 vjeç dhe Denisa Karagjozi, 35 vjeçe, të tre banues në Gjirokastër, si dhe u procedua në gjendje të lirë një 14 vjeçar.
“Shtetasit e mësipërm në bashkëpunim me njëri – tjetrin nën kërcënimin e armës i kanë hequr lirinë shtetasit J. Gj, duke ushtruar dhunë fizike dhe psikologjike ndaj tij për disa orë.
Nga kontrolli i ushtruar në banesën e shtetasit E. T., u gjetën dhe u sekuestruan në cilësinë e provës materiale 1 armë zjarri automatike, 35 doza me lëndë të dyshuar narkotike Cannabis Sattiva, një mjet mprehës (thikë).
Materialet i kaluan Prokurorisë Pranë Gjykatës së Shkallës së Parë Gjirokastër për veprime të mëtejshme”, thuhet në njoftim. /sarandacity.al/
