Mykonosi grek është trazuar sërish nga shqiptarët. Kësaj herë ka qenë një përplasje mes këtyre të fundit që ka çuar në përgjakjen e ishullit turistik grek.
Sipas informacioneve, rreth orës 23:00 të mbrëmjes, në zonën e Agios Fanourios, ka pasur një përplasje mes dy grupeve të shqiptarëve për shkak të mosmarrëveshjeve financiare.
Gjatë incidentit një person goditi me thikë një anëtar të bandës kundërshtare, i cili pak më vonë humbi jetën.
Policia u njoftua për të shkuar në vend, megjithatë, sipas informacionit zyrtar, ata mbërritën pas vdekjes së 27-vjeçarit.
Deri më tani, janë shoqëruar katër persona që dyshohet se i përkisnin grupit të autorit të krimit dhe një person nga grupi i viktimës.
Të katër personat janë ndaluar dhe ekzaminuar në Nën-Drejtorinë e Sigurisë Mykonos. /sarandacity.al/
